Latest jokes , funny jokes
Ek company ka CEO apni ek factory mein visit karne gaya.
Wahaan usne dekha ki saare karmchari to kaam kar rahey the lekin ek yuvak ek kone me aaraam se khadaa mobile par message padh rahaa tha aur muskura rahaa tha.
CEO ko yah dekhkar aur bhi hairat hui ki uske aane ke baavjood bhi yuvak apne kaam par lagne kee bajaaye andekha karke vaise hee khada raha.
CEO ko gussa aa gaya. Usne yuvak ko bulaya aur poochha – “tumhen har maheene kitni salary milti hai ?”
Yuvak – “Rs. 6000/- sir !”
CEO ne jeb se 18000/- Rs. nikaale aur yuvak ko dete huye bola – “ye pakdo tumhari 3 maheene kee advance salary aur dafaa ho jaao yahaan se … tumhare jaise kaamchoron ke liye meri company mein koi jagah nahi hai !”
Yuvak ne chupchap rupaye liye aur muskuraata hua chala gaya.
Ab CEO ne waha kaam kar rahe logon se poochha – “ab koi mujhe bataayega ki ye aadmi kaun thaa aur kya kaam karta thaa ?”
Badi mushkil se apni hansi dabaate huye ek employee ne bataya – “Sir, woh DOMINO’s ka PIZZA DELIVERY BOY thaa ! Darasal aaj Supervisor sahab apna lunch box laana bhool gaye the !!!”
0 Comments