DTC kee ek bus mein ek pahalwaan - Latest jokes

DTC kee ek bus mein ek pahalwaan type aadmi charha.

Conductor ne ticket lene ke liye kahaa to pahalwan bola – “hum ticket nahi lete … ”

Pahalwan kee body dekhkar conductor kee aage kuchh bhi kahne kee himmat nahi hui.

Phir ye hua ki lagbhag roz hi wah pahalwaan usi bus mein safar karne laga aur conductor ke poochne par kah deta – “hum ticket nahi lete … ”

Ab to conductor ko bahut insult feel hone lagi aur ek din usne bhi body banaane ke liye Gym jaana shuruu kar diya.

Dheere – dheere isi tarah 6 maheene gujar gaye. Ab conductor ka shareer bhi pahalwaan kee tarah strong ho gaya thaa.

Aur usne faisla kiya ki aaj pahalwaan ka ticket kaatkar hi maanega.

Jaise hee pahalwaan bus mein chadhaa, conductor bola – ticket ?

Pahalwaan roz kee tarah bola – “hum ticket nahi lete … ”

Itna sunte hee conductor ne gusse se aasteene chadhaai aur apne doley dikhaate hue bola – “tuu kyon ticket nahi letaa hai bey … ?”

Pahalwaan aaraam se bola – “isliye… kyonki hamne monthly pass banwa rakhaa hai … !!!”